ਖੇਤੀਬਾੜੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਕਿਸਾਨ ਠੰਢ ਵਿਚ ਵੀ ਦਿੱਲੀ ਬਾਰਡਰ ਉਤੇ ਡਟੇ ਹੋਏ ਹਨ। ਐਤਵਾਰ ਉਨ੍ਹਾਂ ਦੇ ਅੰਦੋਲਨ ਦਾ 18ਵਾਂ ਦਿਨ ਹੈ। ਇਸ ਦੌਰਾਨ ਲੋਕ ਉਨ੍ਹਾਂ ਦੀ ਮਦਦ ਲਈ ਪੰਜਾਬ ਸਮੇਤ ਹੋਰ ਥਾਵਾਂ ਤੋਂ ਆ ਰਹੇ ਹਨ। ਇਨ੍ਹਾਂ ਲੋਕਾਂ ਵਿਚ ਪੰਜਾਬ ਤੋਂ ਦੋ ਜੁੜਵਾ ਭਰਾ ਹਨ ਜੋ ਅਮਰੀਕਾ ਤੋਂ ਵਾਪਸ ਆਏ ਹਨ। ਇਹ ਦੋਵੇਂ ਦਿੱਲੀ-ਯੂਪੀ ਸਰਹੱਦ ਉਤੇ ਗਾਜੀਪੁਰ ਵਿਚ ਡਟੇ ਕਿਸਾਨਾਂ ਨੂੰ ਗਰਮ ਕੱਪੜੇ ਵੰਡ ਰਹੇ ਹਨ।
ਇਹ ਜੁੜਵਾ ਭਰਾ ਹਾਲ ਹੀ ਵਿੱਚ ਅਮਰੀਕਾ ਤੋਂ ਵਾਪਸ ਆਏ ਹਨ। ਇਥੇ ਆਉਣ ਤੋਂ ਬਾਅਦ, ਉਨ੍ਹਾਂ ਨੇ ਕਿਸਾਨਾਂ ਦੀ ਮਦਦ ਕਰਨ ਦਾ ਫੈਸਲਾ ਕੀਤਾ ਅਤੇ ਉਨ੍ਹਾਂ ਦੇ ਵਿਚਕਾਰ ਪਹੁੰਚ ਗਏ। ਦੋਵਾਂ ਵਿਚੋਂ ਇਕ ਭਰਾ ਦਾ ਕਹਿਣਾ ਹੈ, ਉਹ ਲੁਧਿਆਣਾ ਵਿਚ ਪੈਦਾ ਹੋਏ ਪਰ ਹੁਣ ਅਮਰੀਕਾ ਵਿਚ ਰਹਿੰਦੇ ਹਨ। ਉਹ ਕਿਸਾਨਾਂ ਦੇ ਇਸ ਸੰਘਰਸ਼ ਵਿੱਚ ਕੁਝ ਮਦਦ ਕਰਨ ਸਕਣ, ਇਹ ਸਾਡੀ ਕੋਸ਼ਿਸ਼ ਹੈ।”
ਉਸ ਨੇ ਅੱਗੇ ਕਿਹਾ, ਮੈਂ ਮੋਦੀ ਜੀ ਦਾ ਪ੍ਰਸ਼ੰਸਕ ਹਾਂ, ਮੈਂ ਆਪਣਾ ਝੰਡਾ ਚੁੱਕ ਕੇ ਚੱਲਦਾ ਹਾਂ ਪਰ ਜਾਣਦਾ ਹਾਂ ਕਿ ਕਿਸਾਨ ਸਾਡੀ ਰੀੜ੍ਹ ਦੀ ਹੱਡੀ ਹਨ। ਮੋਦੀ ਜੀ ਸਾਡੇ ਪਿਤਾ ਸਮਾਨ ਹਨ। ਹਰੇਕ ਨੂੰ ਬੋਲਣ ਤੇ ਆਪਣੀ ਗੱਲ ਰੱਖਣਾ ਦਾ ਅਧਿਕਾਰ ਹੈ, ਇਹ ਸਮਾਂ ਲਗਦਾ ਹੈ, ਸੰਘਰਸ਼ ਖਤਮ ਹੋ ਜਾਵੇਗਾ।”
ਭਰਾਵਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਗਾਜੀਪੁਰ ਸਰਹੱਦ ਦੀ ਚੋਣ ਕੀਤੀ ਤਾਂ ਜੋ ਉਹ ਕਿਸਾਨਾਂ ਦੀ ਮਦਦ ਕਰ ਸਕਣ। ਉਹ ਕਹਿੰਦਾ ਹੈ, ਅਸੀਂ ਬੁੱਧਵਾਰ ਨੂੰ ਨੂੰ ਦੁਬਾਰਾ ਆਵਾਂਗੇ, ਅਸੀਂ ਸਾਰੇ ਆਪਣੀ ਕਮਾਈ ਦਾ ਥੋੜਾ ਜਿਹਾ ਹਿੱਸਾ ਪਾ ਰਹੇ ਹਾਂ, ਅਸੀਂ ਆਪਣੇ ਕਿਸਾਨਾਂ ਲਈ ਜਿੰਨਾ ਕਰ ਸਕਦੇ ਹਾਂ ਉਨਾ ਕਰਾਂਗੇ।”